Aizawlah TT zirna

Mizoram Table Tennis Association leh Aizawl District TT Association ṭangkawpin an buatsaih, Intensive Coaching Prog­ramme chu Inrinni khan Chhinga Veng Community Hall-ah hawn a ni.

Table Tennis zir tur hian naupang 25-in hming ziak lut tawhin a hmunah hian a duh apiang tan in ziah luh belh zel theih a ni bawk. Chief coach F. Rinsailova leh coach Zonuna te'n nitin tlai dar 3-5 chhungin zirtirna an pe ṭhin ang.

MTTA chuan Sports and Youth Services De­part­ment leh Mizoram State Sports Council puih­na in Lunglei, Serchhip, Kolasib leh Aizawlah te Table Tennis Intensive Coaching Programme hi a kalpui mek.

ICP hi phase thum a ṭhen a ni a, kumin chhung­in phase hnih hi zawh hman tura ruahman a ni. ICP phase thumna hi nakkum January - March thleng awh tura tih a ni bawk. Thawh thumnaah chuan ICP kalpuina district pali aṭangin a thiam zual thlanchhuah te chu foreign coach in MTT Hall, Mis­sion Veng-ah zirtirna a pe leh dawn a ni.