Final-ah Hrangbana vs PUC?

MFA buatsaih, hmei­­chhe pual bik Great Sport Independence Day Cup 2017-ah Hrang­bana College chuan Inrin­ni khan Women's Polytechnic chu 8-0 a sawpin final an lut.

Vawiin tlai dar 3:00 hian Rajiv Gandhi Stadium, Mualpuiah Pachhunga University College leh Govt Aizawl North College te an inkhel ang a, PUC tan final lut turin draw a tawk.

HBC-in Women's Poly­technic an hneh ṭum hian Malsawmzeli'n goal nga a khung a, Lalruatsangi'n goal hnih khung bawkin Ruthi Lalrinmawii'n goal khat a khung ve bawk.

Inkhel hmasa zawkah Govt Aizawl College-in Lalchhanhimi goal hnih hmangin Govt Aizawl North College 2-1 in an hneh a, GANC tana Khaw­puimawii Saivate goal-in result a thlak danglam lo.

Group A-ah HBC-in point ruk an hmu a, goal an la chhuah loh bak­ah goal 13 an khung avangin final an lut chiang hle. PUC hian an match hmasa berah Govt Aizawl College 7-1 in an sawp a, final an luh ngei a rinawm.