Zinedine Zidane tan contract thar

Real Madrid manager Zinedine Zidane chuan Santiago Bernabeu-ah kum thum dang cham chhunzawm turin contract thar a ziak. French manager hian Real-ah thla 18 chiah hun a la hmang chungin Champions League (2) leh La Liga (1) nomawi a chawi tawh a, Real-in contract thar an ziahpui hi thil mak a ni lo.

Zidane chuan, "Real nena kan inzawmna hi contract leh signature mai maiin a sawifiah theih a ni lo. He club-a ka cham thei hi ka hlim em em a, mah se kan inzawmna hi he contract thar ai hian a nghet zawk a ni," a ti a, Real nen thu inhmu lo an neih ngai loh tur thu a sawi lang bawk.

Real Madrid hian nizan khan Spanish Super Cup-ah Barcelona an hmachhawn a, he thuziah a nih lai hian an result kan hre hman lo.