Champion lai Halep a tla

US Open inbuatsaihna tournament langsar Rogers Cup-ah hmeichhe champion lai Simona Halep chu semifinal-ah vuak tlak a ni. Inrinni zan inkhelah Halep hi Elena Svitolina lakah 6-1, 6-1 in a tlawm.

Toronto-a hmeichhe semifinal inkhel lehlamah Wimbledon champion Garbine Muguruza hnehtu Caroline Wozniacki chuan harsatna nei loin Sloane Stephens chu 6-2, 6-3 in a hneh ve bawk. Nizan khan final khelh zui a ni a, he thu buatsaih lai hian champion kan hre hman lo.

Kumin Canadian Mas­ters hi hmeichhe inel­na chu Toronto-ah neih niin mipa inelna erawh Montreal lamah khelh a ni thung. Grand Slam vawi 19 champion tawh Roger Federer-a'n Robin Haase chu 6-3, 7-6 (7-5) a hnehin final a lut - Swiss star hian tun hnai a match 16 khelh­ah hnehna a chang vek.

Mipa semifinal leh­lamah Alexander Zverev chuan Denis Shapovalov hnehin final a lut ve bawk. Nizan khan final khelh zui niin result kan hre hman lo. German rawlthar hian hnehna a chang a nih chuan kumin Grand Slam leh Masters 1000 huanga Federer hneh thei hmasa ber a ni ang.