United States an chungnung ber

International Asso­ciation of Athletics Fede­ra­tions (IAAF) buatsaih Athletics huang bik World Championship chu Pathianni zan khan a kharna neih a ni a, a pumpuiah United States chuan gold 10 lain pakhatna an ni.

London Stadium-a neih he inelnaah hian Kenya chuan gold pahnih lain pahnihna an ni a, a thlengtu United States chuan gold pahnih lain parukna dinhmun an luah. Kuminah hian ram 43 zetin medal lain a pumpuiah hian medal 145 sem chhuah a ni a, inelna hi kum 2019-ah chuan Doha-ah nghah leh a ni ang.

Kumin World Cham­pionship-ah hian inelna ngaihven hlawh ber pakhat mipa 100m intlansiakah US tlangval Justin Gatlin chuan Usain Bolt hnehin gold medal a dawng.

Inelna khar zan hian hmeichhe 800m intlansiak neih a ni a, South Africa nula Caster Semenya chuan minute khat leh second 55.16 chhunga thlengin an ram tan gold medal a hlawh chhuak. A hnungah hian Francine Niyonsaba leh Ajee Wilson te an thleng bawk.