Hmeichhe football-ah PUC an filawr

Mizoram Football Association buat­saih, hmeichhe pual bik Great Sport Independence Day Cup 2017-ah Pachhunga University College chuan kawng hrang hranga an elpui Govt Hrangbana College chu 11-0 a sawpin an champion.

PUC leh HBC ten awlsam tak final an luh ve ve avangin nomawi inchuh­na hi hmuhnawm tura ngaih a ni a, amaherawhchu nimin Lammual inkhelah PUC an filawr hle.

Pachhunga University College tan Lalhmingmawii'n minute 13 chhungin goal hnih a khung nghal a, an hawi kir tawh lo. PUC goal khung khawl Grace H Larampari'n hattrick a siam a, Vanlalhriatkimi'n goal hnih a khung bakah Lalnunmawii, K. Lalhruaizeli leh Lalthansangi ten goal khat ṭheuh an khung.

PUC forward Grace Lalrampari'n match thum lekah goal 14 khungin chiang top scorer lawmman chiang takin a dawng a, Salem Veng nula Grace-i hi a phu ang ngeiin best player-a thlan a ni bawk.

Final-ah hian entu ṭhahnem tak an pungkhawm a, PUC leh HBC ten ṭantu an nei ṭha dun a, khelmualah inthlau mah se khelmual pawnah erawh an inel tawk.

LAWMMAN
Champion Pachhunga Univ College Rs 20,000
Runner Up Hrangbana College Rs 10,000
Fair Play Women Polytechnic Rs 3,000
MIMAL LAWMMAN
Top Scorer Grace H. Lalrampari Rs 1,000
Best Player Grace H. Lalrampari Rs 1,000
PUC Champion Kalkawng
Group stage
PUC 7 - 1 GAC
PUC : Lalventluangi 5'; Grace H. Lalrampari 17', 18', 39'; Lalnunmawii 27', 28'; Lalthansangi 47'
GAC : Elizabeth VL Zawnchhuahi 53'
GANC 0 - 14 PUC
PUC : Grace H. Lalrampari 2', 4', 8', 45', 46', 53', 55', 65'; Van­lalhriatkimi 6', 34'; Lalnunmawii10', 13', 51'; H. Lalhmingmawii 22'
Final
HBC 0 - 10 PUC
PUC : Lalhmingmawii 3', 13'; Grace H. Larampari 17', 22', 38'; Lalnunmawii 25'; Vanlalhriatkimi 42', 68'; K. Lalhruaizeli 55'; Lalthansangi 67'