India hmaah Sri Lanka an zawr

India chuan cricket khawvela an la tawn ngai loh an tawng - test series-ah Sri Lanka chu 3-0 in an sawp a, ram pawna test series an khelh tawha India-in an khingpui an whitewash hmasak ber a ni.

Men in Blue (India sawina) hi Sri Lanka-ah test leh ODI series khel turin an zin chhuak a, test series hi an khel hmasa. Test series-ah match thum inhmachhawn tura tih niin match hmasa pahniha hnehna an chan hnuah match thumnaah pawh hnehna an chang leh a, hnehna an channa zat hi run 171 leh innings khat lai niin an chungnung hle.

August 12 khan test match thumna ni khatna khelh ṭan a ni a, India hian frist innings-ah over 122.3 hmangin run 487 ngawt an vaw chhuak - India tan Shikhar Dhawan (199) leh Hardik Pandya (108) ten century an siam ve ve a, India tan an thawhhlawk hle.

Sri Lanka an che fuh hleithei lo, first innings-ah over 37.4 khelin run 135 chiah an siam a, an out vek! Second innings-ah pawh Sri Lanka-in run 181 siamin an out vek a, innings pahniha an rum siam belhkhawm pawhin first innings-a India run siam zat chu 171 ngawta an phak loh avangin India an chak ta a ni - test match ni thumnaah spinner Ravichandran Ashwin (4-68) leh Mohammed Shami (3-32) te chu Sri Lankan batsman tan ral an ni.

India leh Sri Lanka te hian ODI series-ah match nga an la khel leh dawn a, match hmasa ber hi August 20-ah khelh tur a ni ang.

Ist innings
India 122.3 (487 - all out)
Sri Lanka 37.4 (135 - all out)
2nd innings
Sri Lanka 74.3 (181 - all out)