Serchhip roreltu New Serchhip FC

New Serchhip FC chuan P&E FC 2-1 a hnehin I Day Football champion an ni. Season hmasa khan New Serchhip FC hian nomawi an lo chawi tawh bawk a, Serchhip DFA buatsaih inelna lianah khing zotu an awm lo.

Final-ah hian New Serchhip tan R. Lalremruata leh H. Vanlalremruata ten goal an khung a, hun tawp dawna Vanlalhruaia goal khungin awmzia a nei tawh lo.

Kumin I Division inelna bikah hian team pariat an tel a, New Serchhip midfielder Lalhriatzuala chu best player niin goal riat khungtu Chhim Veng FC player Lalsangzuala chu top scorer a ni - FC Serchhip Kawnpui chuan fair play lawmman an dawng thung.

Serchhip DFA hian second divi­sion te tan inelna an buatsaih bawk a, final-ah Chhim Veng FC chuan Bungpui FC hnehin season tharah first division an ni ang. Hetihlai hian Chhiahtlang FC erawh first division aṭangin an relegate thung a ni.