Champhaiah Vengthlang North FC an sang

Champhai DFA buat­saiha neih Independence day football tournament final chu nimin khan Chhang­­phut field-ah khelh zawh a ni a, inkhel hmuhnawm takah Veng­thlang North FC chuan 3-2 in Bethel FC an hneh.

Vengthlang North tan minute 35-naah Van­lawia'n goal hmahruai a khung a, Bethel FC-in first half hun pek belhah Isak Lalringheta hmangin an si phurh an sut. Goal dang lut loin chawlhlawk hman a ni a, second half-ah goal a sur.

Vanlalawia'n minute 52-naah Vengthlang North mipui a 'awi' nawn a, hma­hruaina goal a khung - Turin Rosiamliana'n belh­chhah ve lehin 3-1 in hma an hruai. Bethel FC beiseina chhi nung turin Christopher Lalthlamuana'n goal khat khung ve leh mah se second half ṭantirha an goal hnih chhuah an tuar a, Vengthlang North an champion.

Lawmman
Champion Vengthlang North FC (Rs. 30,000)
Runner Up Bethel FC (Rs 15,000)
Fair play Hnahlan Vengthlang FC (Rs 4,000)
Best player Rosiamliana, Vengthlang North FC
Top scorer Christopher Lalthlamuana (8 goals) Bethel FC