Milan-ah Aubameyang a kir duh?

Pierre-Emerick Auba­meyang chuan a club hlui AC Milan lam a kir leh a hreh lo a, mahse tun din­hmunah a tan tih theih a awm rih loh thu leh Italian club chuan an chuh na tawk loa a hriat thu a sawi.

Nipui trasfer laia chena tak Milan hian player 10 an lalut tling tawh a, Milan director pahnih Massimiliano Mirabelli leh Marco Fassone te chuan an squad tichak turin Aubameyang hi an ngaihven thu an lo sawi chhuak tawh bawk.

Season hmasa Bun­desliga top scorer Auba­me­yang chuan, "Milan-a kirleh ka hreh lo, mah se an mahni lam an ngawi reng a nih si chuan ka tan tih theih a awm lo," tiin Instagram lamah a sawi a ni.

Kum 28 mi Aubame­yang hi tunlai striker hriam berte zinga mi a ni mek a, tun hnai season nga chhungin German club Dortmund tan inelna hrang hrangah match 191 a khelh aṭangin goal 124 a khung tawh.