MPL9 - 2 Days to Go

Mizoram Premier League Season 9 chu September 8, Ningani aṭangin RG Stadium-ah khelh ṭan a ni dawn. Mizorama football inelna sang ber hi Zonet Rihnim leh Empai hmangin a en theih ang.

Zonet (subscriber) pawtsa tan Rihnim channel hmangin MPL9 hi a en theih dawn a, online hmanga en duh tan Zonet Empai hmangin a en theih. Empai subscribe man hi Rs 199 niin he online application hmang hian MPL chauh ni loin Zonet show hrang hrangte a en theih a ni.

MPL hi Covid-19 vangin season hnih chhung neih a ni tawh lo a, December 14, 2019 khan MPL8 final-ah Aizawl FC chuan Electric Veng FC 2-0 a hnehin an champion. Final aṭanga chhiarin ni 999 chawlh a nih hnuah MPL9 hi khelh ṭan a ni ang.

Opening match-ah champion lai Aizawl FC-in Chawnpui FC an hmachhawn ang a, I Day Football champion Mizoram Police-in Chhinga Veng FC an hmachhawn ve bawk ang.

September 9, Zirtawpniah FC Venghnuai leh kai thar FC Bethlehem te chhun dar 12:00-ah an inkhel ang a, tlai dar 3:00-ah Chanmari FC leh Electric Veng FC te an inkhel ve bawk dawn a ni.