England-ah Costa a kir dawn

Wolves striker thar Sasa Kalajdzic a inhliam nghal a, Raul Jimenez a inhliam bawk avangin English club hian Chelsea striker hlui Diego Costa lakluh tumin hma an la mek. Nipui transfer hun zo tawh mah se kum 33 mi Costa hian January thlaa Brazilian club Atletico Mineiro a chhuahsan hnuah club a nei lo.

Wolves leh Costa te hi June 2023 thleng daih contract ziak turin a thuphungin inremna an nei tawh. Vawiin hian Costa-a'n medical test a neih rin a ni.