US Open khel tur Maria Sharapova

Tennis inelna zinga lawmman sum fai tamna ber US Open chu August 28 aṭangin khelh ṭan a ni dawn a, Flushing Meadows-a inlan tur hian Maria Sha­rapova chu wildcard pek a ni.

World number 1 hlui Sharapova hi thla 15 chhung hrem a nih hnu­ah April thla khan a rawn kir a, mahse a ban hliam avangin beisei angin a inkhel tam thei rih lo. French Open a khelh loh chhan pakhat erawh wildcard pek a nih loh vang a ni thung.

US Open buatsaihtu United States Tennis Asso­ciation (USTA) chuan, "Hrem­­na a tawrh tur ang zawng zawng a tuar zo tawh a, wildcard pek theih loh a nihna chhan tur a awm lo. Hrem a nih lai leh hliam a tawrh lai pawhin training a chawlhsan chuang lo a, rim taka a thawh reng avangin wildcard pek hi a phu," an ti.