UEFA Best Player of the Year dawng thei tur Buffon, Messi leh Ronaldo
UEFA Men's Player of the Year Award dawng thei tur player pathum chhawp chhuah a ni ta. Lionel Messi leh Cristiano Ronaldo te chu awm tur chiang saa ngaih an ni a, heng player ropui pahnih bakah hian Gianluigi Buffon hming a lang tel bawk.
August 24 zan dar 10:30 hian Grimaldi Forum, Monaco-ah award semna hi neih a ni dawn a, he hunah hian UEFA Champions League group stage-a intum tur pawhna neih a ni bawk ang.
A thiam pathum
UEFA chuan Best Player Award hi kum 2011 aṭangin sem ṭan a ni a, Lionel Messi chu dawng hmasa ber niin Argentina captain hian vawi hnih a dawng tawh. Cristiano Ronaldo hi a dawng hnuhnung ber niin Portugal captain hi vawi hnih tho thlan a ni. Chawimawina hi Andres Iniesta leh Franck Ribery ten an dawng tawh bawk.
Ronaldo hian season liam ta khan Real Madrid chu Champions League bakah La Liga-ah a champion pui. UCL quarterfinal-a Bayern Munich an hneh ṭumin goal nga zet a khung a, semifinal-a Atletico Madrid an hneh ṭumin hattrick a siam a, final-a Juventus an hneh ṭumin goal hnih a khung leh bawk.
Messi hian season liam ta khan Barcelona tan goal 54 a khung a, Ronaldo aiin goal 12 khung tam zawk mah se Spanish Super Cup leh Copa del Rey nomawi chauh a chawi thung.
Buffon hian Juventus chu league leh cup-ah a champion pui a, amaherawhchu Champions League final-ah Real Madrid an hneh lo. Kum 39 mi Buffon hian Champions League nomawi chawi ngat se chuan dawng chiang tura ngaih theih a ni hial ang.
Tu nge thlang?
Player thlang chhuaktu te hi 2016/17 UEFA Champions League leh UEFA Europa League group stage-a team enkawl pha coach 80 bakah European Sports Media (ESM)-in a thlanchhuah journalist 55 te an ni a. Heng journalist te hi ram khat aiawh zela thlan an ni.
Final result hi coach leh journalist thlan aṭanga en tur a ni a, coach-te hian anmahni player-te thlang thei lo.
A thiam 10
Ronaldo, Messi leh Buffon te hi a thiam pathum an ni a, an indawh dan tur a la hriat loh. Top 10-a lang pha player dang pasarih te chu a hnuaiah hian an point hmun tam dan indawta tarlan an ni.
4 Luka Modric (Croatia, Real Madrid)
5 Toni Kroos (Germany, Real Madrid)
6 Paulo Dybala (Argentina, Juventus)
7 Sergio Ramos (Spain, Real Madrid)
8 Kylian Mbappe (France, Monaco)
9 Robert Lewandowski (Poland, Bayern München)
10 Zlatan Ibrahimovic (Sweden, Man United)
Chawimawina dang
Mipa best player bakah hian hmeichhe best player thlan tur a ni a. Kum 2016/17 UEFA Champions League season-a position tina ṭha ber thlan chhuah bawk tur a ni.
Goalkeeper-ah Gianluigi Buffon (Juventus), Manuel Neuer (Bayern Munchen) leh Jan Oblak (Atletico Madrid).
Defender-ah Leonardo Bonucci (Juventus, tunah AC Milan), Marcelo (Real Madrid) leh Sergio Ramos (Real Madrid).
Midfielder-ah Casemiro (Real Madrid), Toni Kroos (Real Madrid) leh Luka Modric (Real Madrid).
Forward-ah Paulo Dybala (Juventus), Lionel Messi (Barcelona) leh Cristiano Ronaldo (Real Madrid)
Player rankings (4 to 10)
Goalkeepers
4 Keylor Navas (Real Madrid) 67 pts
5 Kasper Schmeichel (Leicester City) 16 pts
6 Marc-André ter Stegen (Barcelona) 7 pts
7 Danijel Subašic (Monaco) 6 pts
8 Anthony Lopes (Lyon) 5 pts
9 Roman Bürki (Dortmund), Iker Casillas
(Porto), Ederson (Benfica, tunah Man. City), 1 point
Hugo Lloris (Tottenham), Pepe Reina (Napoli)
Defenders
4 Giorgio Chiellini (Juventus) 71 pts
5 Dani Alves (Juventus, tunah Paris) 50 pts
6 Diego Godín (Atlético) 16 pts
7 Philipp Lahm (Bayern) 14 pts
8 Dani Carvajal (Real Madrid) 13 pts
9 Gerard Piqué (Barcelona) 12 pts
10 Benjamin Mendy (Monaco, tunah Man. City) 9 pts
Midfielders
4 Miralem Pjanic (Juventus) 33 pts
5 Thiago Alcântara (Bayern) 25 pts
6 Bernardo Silva (Monaco, tunah Man. City) 21 pts
7 Andrés Iniesta (Barcelona) 15 pts
8 Fabinho (Monaco) 12 pts
9 Isco (Real Madrid), Arturo Vidal (Bayern) 10 pts
Forwards
4 Kylian Mbappé (Monaco) 58 pts
5 Robert Lewandowski (Bayern) 24 pts
6 Neymar (Barcelona, tunah Paris) 21 pts
7 Antoine Griezmann (Atlético) 14 pts
8 Gonzalo Higuaín (Juventus) 8 pts
9 Edinson Cavani (Paris) 6 pts
10 Mario Mandzukic (Juventus) 5 pts