Inter School TT championship

Mizoram Table Tennis Associa­tion leh 11even Sports Pvt Ltd ṭang­kawpin an buatsaih tur 11Sports Interschool Table Tennis State Championship, Mizoram chu August 29 aṭang hian Mizoram Table Tennis Hall, Mission Veng-ah ṭan a ni leh dawn ta.

Inter School Table Tennis Cham­pionship-ah hian middle school section leh high school section tan team a inelna awm dawn bakah singles a inelna telh thar a ni bawk.

Nikum khan inelna hi hlawhtling taka kalpui a ni tawh a, Senior Boys (High School Section)-ah Baptist Higher Secondary School, Lunglei pakhatna an ni. Senior Girls-ah Baptist Higher Secondary School, Lunglei vek champion-in Junior Boys (Middle School Section)-ah Saihnuni Memorial School, Aizawl pakhatna an ni; Junior Girl-ah Vana Memorial School, Aizawl pakhatna an ni bawk.

Kuminah hian lawmman zawng zawng hi Table Tennis Federation of India leh 11even Sports Pvt Ltd in an rawn tum dawn mai bakah he inelna a certificate sem chhuah tur hi Table Tennis Federation of India hming lanna a nih avangin he inelna tel te tan chuan a hlu zual bik dawn hle a ni.

Mizoram Table Tennis Asso­cia­tion chuan Mizoram chhunga school zawng zawngte he inelna a tel turin an sawm a, entry fee hi August 26 thleng pek theih niin, a hre chiang duh tan phone number 9436361049 leh 9862363935 ah te hian zawh chian hmasak theih a ni.