FIFA U17 squad thehluh hun

India chuan October 16 - October 28 inkar hian FIFA Under 17 World Cup 2017 a thleng dawn a, he inelnaa tel tur team 24-te chu September 21 ral hmaa an squad thehlut vek turin FIFA chuan a hriattir. Ram 24-te hian FIFA general secretary hnenah August 11 khan provisional squad player 35 awmna chu an thehlut tawh a, player 21 awmna tur final squad thehlut tura tih an ni leh ta a ni.

Kum 17 hnuai lam, khawvela football thiam ber ram ni tura inel tur­te hi Ghana, India, England, Costa Rica, New Caledonia, Brazil, Guinea, Iran, France, Honduras, New Zealand, Chile, Mali, Iraq, Germany, Mexico, Colombia, Niger, Japan, Spain, USA, Paraguay, Korea DPR leh Turkey U17 team an ni a, India hi a thlengtu an nih vanga tel tur an ni.