Gurpreet Singh-a'n Bengaluru FC a zawm

India goalkeeper Gurpreet Singh Sandhu chuan Norwegian club Stabaek chhuahsanin Indian Super League khel tur Bengaluru FC a zawm.

Kum 25 mi goalkeeper hian August 2014 khan East Bengal aṭangin Stabaek hi a zawm a, Mohammed Salim (Celtic FC, 1936/37), Bhaichung Bhutia (Bury FC, 1999-2002), Sunil Chhetri (Sporting Clube de Portugal 'B', 2012/13) leh Subrata Paul (FC Vestsjælland, 2014) dawtah European club tana khel thei Indian player pangana a ni.

Gurpreet hian Stabaek-ah kum thum hun a hman chhungin Indian football tan record pawimawh tak tak a siam a, Indian player zinga European top league-a starting eleven chang hmasa ber a nih bakah Europa League khel hmasa ber dinhmun a luah bawk.

Stabaek tan match 11 a khelha vawi ruk clean sheets nei thei keeper hian Norwegian club-ah hian thla khatah €3500 (Rs. 2,63,488) a hlawh a, Indian Super League a khelh chuan kum khatah vaibelchhe khat tal hlawh phak tura beisei a ni.