Division I tling thar Nursery

Nursery Basketball Club chuan Aizawl District Basketball Association hnuaia Division I tling turin RS Traders ADBBA Division I playoff final an lut a, Nilaini zan khan Hawla Indoor Stadium-ah Chatlang SC chu 81-72 in an hneh.

Nizan khan Mohicans leh Vanguard ten semi­final hnuhnung zawk an khel a, he inkhela chak zawk leh Nursery BC te hian Inrinni zanah final an khel ang.

Semifinal-ah hian Nursery tan hian Lalbiak­mawia Pachuau (20 pts), Rosangzela (17) leh Vanlalsiama (14) te an khel ṭha a, Chaltlang SC tan Lalngilneia (20), Lalhriatpuia (16) leh Lalmuansanga (13) te che ṭha tho mah se team pumpuia che ṭha zawk Nur­sery-in hnehna an chang.

Nursery BC hi Samuel Lalthlamuana kaihhruai an ni a, Chanmari tlangval Samuel-a hian Mizoram Super League khel turin Hollow BBSP chu a kai pui tawh a, naupang chher kawnga hmingṭha tak Samuel-a hian Nursery player-te thawhrimna leh thuawihna chu inkhelh banah a fak