Venus leh Kerber an tla

US Open inbuatsaihna Cincinnati Open khelh mekah hmeichhe player langsar Venus Williams leh Angelique Kerber te chu second round-ah an zinkawng a tawp.

Nilaini zan inkhelah Grand Slam vawi sarih champion tawh Venus hi Ashleigh Barty lakah 6-3, 2-6, 6-2 in a chak lo. World number 9 Venus hian a khelh ṭhat ber ni a tawng lo, Australian nula lakah hian double fault vawi ruk ngawt a nei a, a tlak phah.

World number 3 aṭanga number 1 ni thei din­hmuna ding Kerber-i'n a hun ṭha a hmang ṭangkai thei lo. German star hi inkhel inhnehtawk tak­ah Russian Ekaterina Makarova lakah 6-4, 1-6, 7-6 (13-11) in a chak lo.

Hmeichhe world number 1 ni thei din­hmuna ding player pahnih dang Simona Halep leh Elina Svitolina ten nizan khan second round an khel ve leh a, he thu buatsaih lai hian an result kan hre hman lo.