Ram tan Van Persie leh Babel

Robin van Persie leh Liverpool winger hlui Ryan Babel te chu hunrei tak ram tana khel tura koh an nih loh hnuah France leh Bulgaria hmachhawn tur Netherlands squad-ah koh tel ve leh an ni.

Arsenal striker hlui Van Persie hian kum 2015 October thla khan Czech Republic an hneh ṭumin ram tana a goal 50-na a khug a, hemi hnuah tun ṭum hi an koh lehna hmasa ber a ni. Babel erawh ram tana a inlan hnuhnun ber chu kum 2011 November thla daih tawh kha a ni thung.

Premier League pla­yer Virgil van Dijk chu koh a ni ve lo. Southampton de­fender hian club hnenah chhuah a duh thu a sawi tawh a, tunah hian a hma hun chiang lo takin a awm mek.

World Cup qualifier-ah Netherlands hi Group A-ah awmin France leh Sweden hnuaiah pathumna an ni mek. August 31 hian Paris-ah an kal ang a, chumi hnuah an hnuaia awm Bulgaria an mikhual ve leh thung dawn a ni.

Netherlands squad
Goalkeepers: Jasper Cillessen (Barcelona), Maarten Stekelenburg (Everton), Jeroen Zoet (PSV)
Defenders: Joel Veltman (Ajax), Kenny Tete (Lyon), Matthijs de Ligt (Ajax), Stefan de Vrij (Lazio), Karim Rekik (Hertha Berlin), Wesley Hoedt (Lazio), Bruno Martins Indi (Stoke City), Daley Blind (Manchester United), Nathan Ake (Bournemouth),
Midfielders: Donny van de Beek (Ajax), Davy Propper (Brighton & Hove Albion), Marco van Ginkel (PSV), Davy Klaasen (Everton), Kevin Strootman (Roma) Wesley Sneijder (Nice), Jens Toornstra (Feyenoord), Tonny Vilhena (Feyenoord), Georginio Wijnaldum (Liverpool).
Forwards: Vincent Janssen (Tottenham), Bas Dost (Sporting CP), Jurgen Locadia (PSV), Memphis Depay (Lyon), Arjen Robben (Bayern Munich), Jeremain Lens (Besiktas), Robin van Persie (Fenerbahce), Ryan Babel (Besiktas), Quincy Promes (Spartak Moscow).