Mizoramin basketball inelna lian thleng dawn

Mizoram chuan 72nd Senior National North East Basketball Championship a thleng dawn a, September 13-16 inkar hian Hawla Indoor Stadium, Republic Vengthlangah khelh a ni ang.

Inelnaah hian Assam, Arunachal Pradesh, Manipur, Menghalaya, Mizoram, Nagaland leh Tripura te an tel dawn a, North East aiawha Senior National Basketball C'ship khel tur zawnna a ni ang.

Basketball inelna hi mipa leh hmeichhia-ah ṭhen a ni a, nikum khan Shillong-ah neih a ni. Mizoram mipa team chu India hmarchhak champion an ni a, kumin kumtir khan Chennai-ah 71st Senior National Basketball Championship zuk khelin 13-na an ni.

Tun ṭumah hian Mizoram mipa hi champion tura rinkai an ni a, hmeichhe team tan erawh qualifying paltlang a harsa dawn. Nikuma Shillong-a inelna neih a nih ṭum khan hmeichhe team hian Assam leh Meghalaya te an tluk lo a, kuminah erawh mahni muala khel tur an nih avangin pakhatna an nih phak loh pawhin result ṭha zawk a beisei theih ang.

Nimin khan MBBA chuan Mizoram aiawha khel tur mipa leh hmeichhe team an puang.