Marcelo tlangzarhna a ropui

Olympiakos chuan Thawhṭanni khan an player thar Marcelo chu Karaiskakis Stadium-ah an tlangzarah a, mipui 20,000 chuang an pungkhawm. Brazilian defender hi Real Madrid-in a contract an pawhsei sak loh avangin free agent-in Greek club hi a zawm.

Kum 34 mi Marcelo chuan, "Ka lawm takzet a, ka lungawi bawk. Ka chhungte pawh an lawm hle. Club tana ka theihna zawng zawng ka chhuah dawn a, hlawhtlinna ka chanpui theih ngei ka beisei," tiin a sawi.

Olympiakos hian Champions League group stage an thleng pha lo a, Europa League an khel dawn. Greek club hian Ningani zan hian French club Nantes nen Europa League-ah an inhmachhawn ang.