Mizoram aiawh tur boxer thlang

2nd North East Olympic Games 2022 chu October 31 - November 5, 2022 chhung hian Meghalaya-ah neih a ni dawn. Mizoram Boxing Asssociation (MIZBA) chuan nimin khan Boxing Hall, Ramhlun Sports Complex-ah Mizoram aiawh tur thlanna a nei a, boxer 55 (mipa 45 leh hmeichhia 10) an inlan a ni. Inelnaah hian mipa weight category pakua a awm a, hmeichhe weight category pariat a awm bawk.

MIZBA president C. Lalṭanpuia chuan, "Kan beisei phak bakin boxer an rawn kal tam a, district hrang hrang aṭangin senior boxer ṭhate an rawn kal ṭha hle. Mizo ṭhalaiten amateur boxing hlutna an hria a, North East Olympic Games 2022-ah pawh result ṭha tak kan neih theih kan beisei a ni," tiin Vanglaini a hrilh.