Zaninah Pakistan Vs Afghanistan

Asia Cup Super 4-ah zanin dar 7:30 hian Pakistan leh Afghanistan te Sharjah Cricket Stadium-ah an inkhel dawn. Pakistan hian India an hneh tawh avangin final lut turin an dinhmun a ṭha a, Afghanistan erawhin Sri Lanka an hneh loh avangin final lut turin chak ngei an mamawh.

Pakistan hian Afghanistan lakah hian record an nei ṭha a, T20 match hnih an khelh tawhah an hneh ve ve. December 8, 2013 khan Pakistan-in wicket rukin Afghanistan hi an hneh a, ball khat chiah an dah bang. October 29, 2021 khan Shaheens hian wicket ngain an hneh leh a, an vawi hnih intumnaah erawh ball nga an dah bang thung.

Group stage-ah Pakistan-in India hneh lo mah se tun ṭum inelnaah hian an la che ṭha a, Afghanistan lakah pawh an buk a rit zawk. Mohammad Rizwan chuan match thum aṭangin 192 runs a siam tawh a, tun inelnaa run siam tam ber hian Afghan bowler tan harsatna a thlen thei ang. Chutihrualin Pakistan captain Babar Azam a la che ṭha lo a, ani hi theihna a neih san avangin dah hniam theih a ni lo.

Batting tluk zetin bowling lamah Pakistan hi an ṭha. Mohammad Nawaz-a'n wicket sarih a la tawh a, Shadab Khan-a'n wicket ruk la tawhin Naseem Shah-a'n wicket nga a la tawh bawk. Afghanistan hi dah hniam a rem bik lo, group match-ah Sri Lanka leh Bangladesh hnehin group-ah pakhatna an ni.

Afghanistan batter Rahmanullah Gurbaz-a'n tun inelnaah 135 runs a siam a, a tluk loh chu Rizwan leh India batter Virat Kohli te chiah an ni. Bowling lamah Mujeeb Ur Rahman an kawl a, ani hian wicket sarih la tawhin Mohammad Nawaz nen an wicket lak zat a inang.

Asia Cup - Super 4
September 3, Inrinni
Sri Lanka bt Afghanistan
Sri Lanka wicket liin an chak

Afghanistan 175/6 (20)
Rahmanullah GurbaZ 84 (45)
Ibrahim Zadran 40 (38)
Dilshan Madushanka 37/2
Maheesh Theekshana 29/1

Sri Lanka 179/6 (19.1)
Kusal Mendis 36 (19)
Pathum Nissanka 35 (28)
Mujeeb Ur Rahman 30/2
Naveen-ul-Haq 40/2

September 4, Pathianni
Pakistan bt India
Pakistan hi wicket ngain an chak

India 181/7 (20)
Virat Kohli 60 (44)
Rohit Sharma 28 (16)
Shadab Khan 31/2
Mohammad Nawaz 25/1

Pakistan 182/5 (19.5)
Mohammad Rizwan 71 (51)
Mohammad Nawaz 42 (20)
Ravi Bishnoi 26/1
Arshdeep Singh 27/1

Nizan Inkhel (Result kan hre hman lo)
India 7:30 PM Sri Lanka

Zanin Inkhel Tur
Pakistan 7:30 PM Afghanistan

September 8, Ningani
India 7:30 PM Afghanistan

September 9, Zirtawpni
Sri Lanka 7:30 PM Pakistan