Argentina-ah football an suspend

Argentina vice president Cristina Fernandez de Kirchner chu thah tuma an beih avangin Argentine Football Association (AFA) chuan Zirtawpnia khelh tur Primera Division inkhelh hun an sawn.

Argentina president Alberto Fernandez chuan, "Mi pakhatin silaiin a luah a tin a, a kap zui. Vanneihthlak takin silai hi a puak lo a, Cristina hi a la dam," tiin kum 69 mi Cristina chunga thil thlen dan hi a sawi.

AFA-in thuchhuahah hian Zirtawpnia inkhel tur chauh a huam a, an pawtsei dawn em tih hriat a la ni lo. Argentina rama football league sang ber hi June thla khan ṭan ni tawhin match 16 khelh a ni tawh a, Atletico Tucuman chuan hma an hruai mek.