Muaythai inelna lian a awm dawn

Mizoram chhunga Muaythai inelna lian ber LPS Pro Muaythai Championship chu October 7 aṭangin khelh a ni dawn. Inelna hmachhawn tur tan September 12 aṭangin LPS Office, Zarkawtah entry form lak chhuah theih a ni ang.

Kum 15 aṭanga 45 inkar a duh apiang tel theih a ni dawn. September 12 aṭanga October 1 thlengin tel tum tan LPS Office-ah form theh luh theih a ni a, October 3-ah tel turte inbukin October 5-ah fixture tar chhuah a ni dawn.

October 7 aṭangin R. Dengṭhuama Indoor Stadium, Mualpuiah ṭan a ni dawn a, weight hrang panga, 48 kg chin hnuai lam (fly), 48-54 kg(bantam), 54-63.5 kg (light), 63.5- 71 kg (welter) leh 75 kg chin chung lam (super middle) huangah title inchuh tur a ni.

Kum 2010 khan a vawi khat nan Muaythai Association of Mizoram leh LPS Vision-in Muaithay Championship an buatsaih tawh a, kum 12 hnuah danglam leh hmuhnawm zawka huaihawt tumin hma an la mek.

Fighter-te ring chhungah ni loin mixed martial arts an khelhna cage chhungah an inbei dawn a, amatuer huanga invenna tlem thei ang bera khelh tur niin, kiu venna (elbow guard) chiah an hmang dawn a ni.