Vanguard chak chiang

RS Traders ADBBA Division I playoff final lut turin Vanguard chuan Ningani zan khan Mohicans BC chu 64-46 in an sawp. Vanguard hian final an thlen avangin Division I khel turin an tling a, zanin dar 8:00 hian DSZ Nursery Basketball Club nen nomawi an inchuh ang.

Semifinal-ah hian Vanguard-in ṭan aṭangin inkhel an thunun a, halftime-ah 31-23 in hma an hruai tawh a, hun tawp thlengin an chungnung tluan. Durtlang club Mohicans player-te fitness ṭha mah se Vanguard player-ten ball an inpe kual ṭha a, basket an attack ngam zel bawk avangin final thlen phu zawkin hnehna an chang.