Vawiinah Hero Tri-nation series

Hero Tri-Nation Foot­ball Series chu vawiinah khelh ṭan a ni dawn a, zanin dar 8:00-ah India leh Mauritius ten match hmasa ber an khel dawn - inkhel hi Star Sports 1 leh Star Sports 1 HD-ah te live-in pekchhuah a ni dawn a ni.

All India Football Federation buatsaiha neih inelna hi AFC Asian Cup qualifier inpuahchah nana neih a ni a, India hian September 5-ah Macau chu qualifier match an khelhpui ang. Asian Cup qualifier-ah hian India hi Group A-ah awmin hma an hruai mek a, match hnih an khelh tawhah Myanmar leh Kyrgyz Republic an hneh ve ve.

FIFA ranking aṭang­a chhut chuan ram pa­thum inkhel turah India an chungnung ber a, tun dinhmunah 97-na an ni mek. Zanina an hmachhawn tur Mauritius hi 160-na an ni a, August 22 zana an hmachhawn tur St Kitts & Nevis hi 125-naah an awm thung.

India squad-ah hian Mizo pathum an awm a, defender pahnih Jerry Lalrinzuala leh Lalruatthara bakah striker Jeje Lalpekhlua te awmin Hnahthial tlangval Jeje chu inkhel bul ṭan tura beisei a ni.