Assam-ah Mizo fighter pasarih

Mizoram State Mixed Martial Arts Association chuan Assam-a Natio­nal Open MMA cham­pionship neih tura tel turin Mizo fighter pasarih a tir a, team manager Lalremruata hoin nimin khan Aizawl an chhuahsan.

All India Mixed Mar­tial Arts Association (AI­­­MMAA) buatsaih in­­­el­­­naa tel tur MISMA figh­­ter feh chhuakte hi Dengthanchhunga, Ngur­­­lianzuala, Lal­ruat­dika, Van­lalchhuanga, Lal­­­ven­himi, Joshua Hma­­­­­ngaihliana leh PC Vanlal­thuammawia te an ni a, anni hi Mizoram Fight League neih meka fighter te vek an ni.

August 19 leh 20-a Guwahati khawpuia neih tur inelnaah hian official ni turin MISMA hnuaia Mizoram Fight League-a official Lalṭhakima, Sa­muel Lalrozama, Rosie Lalduhawmi, Fran­cis Lal­­fakzuala, Andrew Zo­nun­sanga leh Lal­remruata Hau­hnar te chu an kal ve bawk.