Everton leh Milan chak niah Ajax chak lo
Europa League playoff first leg-ah Premier League club Everton chuan an mual Goodison Park-ah Hajduk Split chu 2-0 in an hneh. Second leg hi August 24, Ningani zanah khelh leh tur a ni.
Ningani zan inkhel dangah AC Milan-in Republic of Macedonia club KF Shkendija chu 6-0 zetin an sawp a, group stage an thleng tawhah a ngaih theih. Hetihlai hian season liam ta finalist Ajax-in an mualah Rosenborg 0-1 in an hneh lo.
Toffees an lian
Nipui transfer-a sum hmang hnem Everton-in a player thar pound maktaduai 45 man Gylfi Sigurdsson an pho chhuak a, Swansea aṭanga Toffees zawmtu midfielder hi inkhel turin match fitness a la nei lo.
Ronald Koeman-a hoten bul an ṭan ṭha a, Leighton Baines-a cross ball chu box chhunga zuang sak ber Michael Keane-a'n a tauh goal.
First half-ah vek hian Davy Klaassen leh Wayne Rooney te thawhrah sengin Idrissa Gueye-a'n goal hnihna a khung leh bawk.
Second half-ah erawh mikhual Hajduk Split an khel ṭha zawk a, British keeper manto ber Jordan Pickford-a'n vawi thum ṭha zetin a dang a, chung zingah chuan Franck Ohandza goal khung tur a dan chu keeper ṭhate chauh dan theih a ni.
Everton hian tun season-ah Premier League nen match li an khel tawh a, goal an la chhuah lo. Ronald Koeman-a'n tlarhnung a rem phui ṭha a, Thawhṭanni zana Manchester City nen an inkhelh hunah fiahna hau tak zawk a hmachhawn ang.
Toffees boss Ronald Koeman chuan, "First half kan khelh danah ka lawm a, second half-ah erawh ka lungawi lo. Goal tam zawk khung theihna tur hun ṭha kan hlah a ni," tiin goal hnih chauh an khung avangin an dinhmun a la him tawk loah a ngai.
Goodison Park-a inkhelah hian Hajduk ṭantuten minute 33 buaina an siam a, inkhelh tihtawp phah a ṭul hial.
Milan leh goal
AC Milan-in nipui transfer-ah player 11 an lalut a, Italian club hian an sum hman tam rah an seng chho ṭan. Milan hian Macedonia club Shkendija 6-0 in an sawp a, first half leh second half-ah goal thum ve ve an khung.
Porto aṭanga Milan zawmtu Andre Silva-a'n goal hnih a khung a, Sunderland aṭanga loan hmanga an hawh Fabio Borini-a'n Milan tana a goal hmasa ber a khung bawk. Player thar pahnih bakah hian Riccardo Montolivo-a'n goal hnih a khung a, Luca Antonelli goal khat a khung bawk.
Italian club hian 2013-14 season hnua a vawi khat nan European competition-ah a inlan. Tun ṭum hi 2005 Champions League final-a Liverpool laka first half-a goal thum an khung hnu a, Europe-a inelnaa first half-a goal thum an khung tlin lehna hmasa ber a ni bawk. AC Milan hian Pathianni zan 12:15 hian tun season-a Serie A match hmasa ber khel turin Crotone khelmual Stadio Ezio Scida an tlawh ang.
Ajax chak lo
Dutch club Ajax-in season liam ta khan Europa League final an thleng a, Manchester United an hneh lo. Hemi ṭum hian coach Peter Bosz-a'n Borussia Dortmund a pan a, captain Davy Klaassen-a'n Everton-ah a kalsan bawk.
Amsterdam-a inkhelah Rosenborg forward Nicklas Bendtner ball khawih per chu Ajax captain Joel Veltman-a'n khawih fuh loin Samuel Adegbenro-a'n Norwegian club tan chakna goal a khung.
Dutch club hi coach thar Marcel Keizer hnuaiah chak an la nei lo a, Ajax hian Champions League qualifiers-ah Nice an hneh lo a, league match hmasa berah Heracles Almelo chu 1-2 in an hneh lo bawk. Tun ṭuma an chak loh hi ni 362 hnua an muala an chak loh lehna hmasa ber a ni.
1st Leg Results
BATE 1 - 1 Oleksandria
BAT : Ivanic 8'
OLE : Banada 19'
Krasnodar 3 - 2 Crvena Zvezda
KRA : Ignatyev 20'; Claesson 46'; Petrov 66'
CRV : Srnic 57'; Pesic 71'
Dinamo Zagreb 1 - 1 Skenderbeu Korce
DIN : Henríquez 90'
SKE : Latifi 37'
Apollon 3 - 2 Midtjylland
APO : Kyriakou 15'; Jander 69'; Pittas 90'
MID : Sorloth 38', 74'
FH 1 - 2 Sporting Braga
FH : Bjornsson 39'
SPO : Paulinho 62'; N. Stojiljkovic 79'
PAOK 3 - 1 Ostersunds FK
PAO : Leo Matos 38'; Prijovic 77', 88' (P)
OST : Brwa Nouri 21' (P)
Vardar 2 - 0 Fenerbahce
VAR : Barseghyan 20'; Topal 90' (OG)
Viktoria Plzen 3 - 1 AEK Larnaca
VIK : Bakos 29'; Kolár 36'; Bakos 74' (P)
AEK : Acoran 8'
Rheindorf Altach 0 - 1 Maccabi Tel Aviv
MAC : Kjartansson 67'
Ludogorets 2 - 0 Suduva
LUD : Moti 61'; Misidjan 75'
Panathinaikos 2 - 3 Athletic Bilbao
PAN : Lod 29'; Cabezas 55'
ATH : Aduriz 68', 74' (P); De Marcos71'
Milan 6 - 0 Shkendija
MIL : Andre Silva 13', 27'; Montolivo 25', 85'; Borini 67'; Antonelli 68'
Osijek 1 - 2 Austria Wien
OSI : Ejupi 15'
AUS : Monschein 26'; Holzhauser 59'
Club Brugge 0 - 0 AEK Athens
Viitorul 1 - 3 Salzburg
VII : Tucudean 7'
SAL : Hee-Chan Hwang 2'; Wolf 28'; Dabbur 31'
Domzale 1 - 1 Olympique Marseille
DOM : Vetrih 12'
OLY : Sanson 63'
Ajax 0 - 1 Rosenborg
ROS : Adegbenro 77'
Legia Warszawa 1 - 1 Sheriff
LEG : Hamalainen 76'
SHE : Bayala 87'
Partizan 0 - 0 Videoton
Everton 2 - 0 Hajduk Split
EVE : Keane 30'; Gueye 45'
Marítimo 0 - 0 Dynamo Kiev
Note : 2nd Leg hi August 24, Ningani zanah khelh leh tur a ni.