Mbappe hma hun a chiang lo?

France rawlthar duh­awm Kylian Mbappe hma hun a la chiang thei lo. AS Monaco forward hi nizana Metz khel tur squad-ah a tel lo a, a chanchinin ngaihven a hlawh zual thar leh hle.

French chanchinbu lian L'Equipe chuan Mbappe hian Paris St-Germain a zawm dawn hnai niin a tarlang tawh. Real Madrid leh Manchester City te pawhin an hel tawh hi kar hmasa a Dijon an hneh ṭum pawh khan bench-ah hun hman tluantir a ni tawh bawk.

Monaco boss Leo­nardo Jardim chuan, "Player kan hrem ngai lo, inhrem hi tihdan tur dik a ni lo a, kan venghim zawk tur a ni," tiin a player chungchang a sawi tawh a, Dijon an hmachhawntir loh kha club thutlukna a nih thu a sawi tawh bawk.

Ligue 1 champion nih puitu Jardim chuan, "Kum 18 bawr vel lek tan chuan thil thleng a tam lutuk chuan hriatthiam a har ṭhin. Kylian hi tun dinhmunah chuan inkhel turin a rilru hi 100%-in a inpeih lo, chutih rualin a kum a la naupan avangin a dinhmun kan hriatthiam sak a ngai," tiin a sawi.

A player duhlai chan­chin ziaktu thuthar thehdarhtute kap letin Jardim chuan, "Journalist i ni a, chanchinbu dangin tuna i hlawh let 15 vela tam hlawh tura an sawm che chuan i inngaihtuah buai ve hle ang, i news ziah chuan nidang a phak kher lo ang," a ti.