Referee Course zo

AIFF Referee Deve­lopment Course 2017 chu August 19 khan Rajiv Gandhi Stadium, Aizawlah zawh a ni.

AIFF leh Mizoram Football Association buatsaih referee intuai tharna leh referee thar tur chherna hunah hian mi 83 an inziak lut a, heng zinga 57 hi referee ni tura inziak lut thar an ni. Inrinni khan fitness test bakah practical leh theory examination buatsaih a ni.

MFA referee Com­mit­tee chairman C Vanlal­mawia chuan, "Tun ṭum chu kan lawm takzet a ni. Kan referee neih sate pawh an ṭang a, referee hmel thar ṭha tak tak, ṭawng thiam leh lehkha thiam tak tak kan nei dawn a, referee ṭha hi India ram leh a aia sanga thleng thei tur kan la neih ngei kan beisei a ni," tiin a sawi.

AIFF aṭangin instruc­tor pahnih Bikramjit P leh S. Mohanty-te'n an zirtir a, August 14-19 chhung zing dar 7:00 aṭanga tlai ni tlak thlengin course kalpui a ni.