City chhuahsan tur Nasri?

French midfielder Samir Nasri chuan Spanish midfielder Pep Guardiola hnuaiah khelhna hmun a chan hmel loh. Kum 30 mi Nasri hian Manchester City chhuahsan Turkish club Antalyaspor a zawm ngei a rinawm ta.

Pathianni khan Nasri-a'n thlawhtheihna hmanga Turkey a pan tur thlalak chu phochhuah a ni a, medical nei tura ngaih a ni a, kum hnih daih contract a ziak ang.

Nasri hian kum 2011 khan pound maktaduai 25-in Arsenal aṭangin Manchester City hi a zawm a, Premier League-ah City tan vawi 129 a inlan. French midfielder hian league nomawi pahnih, FA Cup pakhat leh League Cup nomawi pahnih a lakpui.

Amaherawhchu, season liam ta khan French midfielder hi Guardiola nen an inhmu thiam lo a, Spanish manager hian Nasri hi rit dan tur pangngai aia ritah puhin loan-in Sevilla-ah a chhuahtir. Tun season ṭantirh khan Nasri hi United States-ah zin ve mah se Spanish manager hian chhawr zui a tum lo.

Nasri khelhna tur Antalyaspor hi Barcelona forward hlui Samuel Eto'o captain-na hnuaia khel an ni.