I League khel tur la chiang lo

August 18 khan I League bid evaluation committee chu ṭhukhawm mah se season thara I League khel tur club chung­changah thutlukna siam an la nei lo.

I League khelh dilna hi Gokulam FC (Kerala), Ozone Group (Bengaluru) leh Crown Sports (Rajasthan) ten an thehlut a, mah se dilna thehlut zingah AIFF duh dan tlin an awm lo.

Club-te dilna hi PricewaterhouseCoopers (PwC) chuan an zir chiang a, AIFF hnenah dilna thehlutte hian an duh dan an tlin loh vek thu an hrilh a ni. I League bid evaluation committee chuan I League khelh dilte chu hun an pek belh a, September kar hnihnaah ngaihtuah nawn leh tur a ni ang.