Kerala Blasters-ah United keeper hlui

Manchester United goalkeeper hlui Paul Rachubka chuan Indian Super League khel turin Keraa Blasters a zawm a, Blasters hian Manchester United assistant manager hlui Rene Meulensteen an neih avangin Old Trafford lam hawiin an mit an len.

Kerala club hian Rachubka hma hian Wes Brown an lo lalut tawh a, Dimitar Berbatov chu an dawr mek bawk.

United-a a career ṭantu Rachubka hian English club hrang hrang zingah Charlton Athletic, Huddersfield Town, Blackpool, Leeds United leh Bolton Wanderers tan pawh a lo khel tawh a, season hman zawh takah khan League One club Bury FC tan a khel.

Kum 2007-08 khan Blackpool tan a khelh laiin Club Player of the Year-ah thlan a lo ni tawh a, United tan 2000 FIFA Club World Cup-ah khan a match hmasa ber khelin 2000-01 ah khan Premier League-ah Leicester City hmachhawnin United tan league-a a match hmasa ber a khel bawk.