Coco Gauff hnehtu Caroline Garcia

American mite ṭan rawn, tualchhung player a nih bakah kum naupang tak ni chunga hriat hlawh thei Coco Gauff tan US Open 2022 zinkawng a tawp. Quarterfinal inkhelah Gauff hian Caroline Garcia a ngam lo a ni.

Seeded 17-na Garcia hian Gauff hi 6-3, 6-4 in a hneh a, a vawi khat nan Grand Slam semifinal a lut. Kum 18 mi Gauff erawhin an ramah ngei major title lak a beiseina chu a thamral leh ta rih.

Semifinal-ah Garcia hian Ons Jabeur a hmachhawn leh dawn. Inkhel dangah Tunisian nula hian Ajla Tomljanovic chu 6-4, 7-6 (7-4) in a lo hneh ve thung a, African hmeichhe player zingah US Open semifinal thleng thei hmasa a ni hial.