ODI-ah India-in Sri Lanka an sawp

Test series-a 3-0 a Sri Lanka an sawp hnuah India chuan Pathianni khan ODI series match nga an khelh tura an match hmasa ber an khel leh ta a, an mikhualna ramah Sri Lanka chu wicket kua zetin an sawp leh ta.

Dambulla khawpuia inkhel­ah hian India an bat hmasa zawk a, over 43.2-ah run 216 chiah siamin wicket 10 an hloh. India bat hun a thleng a, run li lek siamin opener Rohit Sharma out nghal mah se India-in harsatna an tawh chhunzawm lo.

Shikhar Dhawan chuan ball 90 lek a hmachhawnah run 132 a siam a, captain Virat Kohli chuan ball 70-ah run 82 a siam bawk - batsman pahnih hi a tawp thleng dam bawkin over 28.5-ah India hian an target an tlin der a ni.