Player kan ngah - Wenger

Arsenal manager Arsene Wenger chuan player an ngah thu leh a thar lakluh ai chuan an neih sa chhuah ṭhentir chu an hna hmasa a nih tur thu a sawi.

Gunners manager Wenger chuan, "Tun din­hmunah player 33 kan nei a, khelmual chhunga lut ber tur thlan pawh a harsa. Ka ngaihdan chuan a lakluh aiin a hralh ṭhen lam kan ngaihpawimawh hma­sak a ngai," a ti.

North London club hian Premier League match hmasa zawkah Leicester City an hneh hram a, kartawp an match-ah erawh Stoke City an ngam lo. Playmaker Mesut Ozil-a'n beisei a la phak lo a, forward Alexis Sanchez a la inlan lo bawk.

Wenger chuan, "Mesut khan a theihtawp a chhuah, goal kan khung loh avangin player mal dem tur an awm bik lo. Hun ṭha kan insiam hnem a, kan vanduai vang chauh a point thum hmu lo kan ni," tiin a sawi.

French manager chuan Sanchez chungchang sawi zuiin, "Tunkar chhung hian kan beisei anga thil a kaltluang vek a nih chuan kartawpah Liverpool a hmachhawn thei ang, inbuatsaihna ṭha takin a nei mek zel a ni," a ti.