Ronald Koeman an zai

Pathianni khan Netherlands football team enkawltu Ronald Koeman chu a lung (heart) zai a ni a, a nupui Bartina leh a agent Rob Jansen chuan an zai hlawhtlin thu leh a dinhmun a ngaihtuahawm loh thu an sawi.

Kum 57 mi Koeman hi a thisen zam fel lo a awm avangin Pathianni khan University Medical Centre (UMC)-ah hruai a ni, a natna hi zai nghal niin tunah chuan a dinhmun a ṭha.Dutch Football Association chuan an coach chungchang sawiin, “Thil thleng hian min barakhaih hle, a lawmawm lai chu a dinhmun a ṭha hi a ni,” tiin Koeman-a’n zai a tawk thut hi mak an tih thu an sawi.

Koeman hian tun hmain Ajax, PSV, Benfica, Southampton, Feyenoord, Valencia leh Everton te a enkawl tawh. 2018 aṭang khan Netherlands a enkawl, an ram team hi European Championship khel turin a 

tlinpui tawh.