Brighton player manto ber Izquierdo

Premier League kai thar Brigh­ton chuan an club player manto ber ni turin Jose Izquierdo chu Club Brugge aṭangin an lalut. Colombian international hi pound maktaduai 13.5 man niin kum 2021 June thla thleng daih contract a ziak.

Kum 25 mi Izquierdo hian season hmasa khan Belgian Pro League-ah goal 15 a khung a, Chris Hughton-a enkawl Brighton tan goal khung kawngah player pawimawh a nih theih beisei a ni.

Izquierdo hian kum 2014 khan Brugge hi a zawm a, a season hmasa ber hian Belgian Cup-ah championpui nghalin a kum lehah Belgian League title a lakpui leh a, hemi season hian Belgium player of the year atan thlan a ni hial. Season hmasa khan Champions League-a Leicester City nen an inhmachhawn ṭumin Foxes goal-ah a chhuih lut bawk.

Brighton hian Dutch midfielder Davy Propper chu PSV Eindhoven aṭangin kar hmasa khan an lalut tawh a, Propper hi pound maktaduai 6 man niin an player manto ber a ni hman a, karkhat hnuah club transfer record thar an siam zui leh ta.