Burnley player manto ber Wood

Premier League club Burnley chuan Leeds Uni­ted striker Chris Wood chu an club player manto ber ni turin pound maktaduai 15-in an lalut. Kum 25 mi striker hian Burnley-ah hian kum li khel turin contract a ziak.

New Zealand interna­tional hian July 2015 khan Leicester City aṭangin Leeds hi a zawm a, match 88 a khelh sakah goal 44 khungin Championship striker zinga hlauhawm ber pawlah a invawrh chho thei a ni.

Tun season-ah Leeds tan match thum a khelha goal khat khung hman Wood chuan, "Premier League boruak ka lo tem tawh a, mah se hming chher tur khawpin hun ṭha pek ka ni ngai lo. Burnley hian ka hun nghahhlelh em em chu min pe thei dawn niin ka hria. Premier League inkhel bul ka la ṭan ngai miah lo a, Burnley-ah hian chu hun tawn hlan chu ka nghakhlel hle," a ti.

Burnley hian zanin dar 12:30-ah Blackburn Rovers chu EFL Cup-ah an lenchilh dawn a, Wood hian tun season-ah Leeds tan EFL Cup a la khelh hman loh avangin Burnley tan hian a inlan thei ang.