Match hmasa berah Srikanth a chak
Badminton World Federation (BWF) World Championship khelh mekah Kidambi Srikanth chuan harsatna nei loin first round a paltlang. Indian tlangval hian Sergey Sirant chu straight game a hnehin second round a in vaw kai.
Thawhṭanni Glasgow-a inkhelah seeded pariatna Srikanth hian Russian tlangval lakah minute 29 chhung lekin 21-13, 21-12 in hnehna a chang. Srikanth hian second round-ah chuan world number 63 Lucas Corvee a hmachhawn leh ang. Tun hnaia Indonesia Open Super Series Premier leh Australian Open Series la theitu India beiseina a ni mek.
Inkhel dangah Sameer Verma leh Pablo Abian an inhmachhawn a, score 21-8 17-4 a nih laiin Abian hi hliam vangin a inkhel zui thei tawh lo. January thla a Syed Modi Grand Prix Gold nomawi chawitu hian a vanneih phah a, second round-ah chuan Rajiv Ouseph leh Adam Mendrek te inkhela a chak zawk a hmachhawn leh ang.
Mixed doubles pair Satwiksairaj Rankireddy leh Maneesha te ṭangdun chuan Hong Kong aiawh a inlan Chun Hei Tam leh Tsz Yau Ng te inkawp chu 24-22, 21-17 in an hneh ve bawk.