VAR hi hriatthiam a har rih - Nicola Rizzoli

Italian football referee Nicola Rizzoli chuan tun season aṭanga an hman ṭan Video Assistant Referees (VAR) chu hriatthiam a harsat rih thu leh thil thar hman a nih avanga dawhtheih a ṭul thu a sawi.

VAR hman vang hian champion lai Juventus-in Cagliari lakah pe­nalty an chawi a, keeper Gianluigi Buffon-a'n a dang hlauh. Torino leh Bologna te 1-1 a an inhnehtawk ṭum­in VAR hi hman nghal a ni bawk.

Minute 83-naah Torino midfiel­der Alex Berenguer chuan chakna goal a khung niin a inngai hman a, mah se referee-in a goal khung tur siamsaktu Andrea Belotti chu offside tiin a pawm lo - VAR hman a nih hnuah a offside lo tih hmuh theihin a awm. Torino coach Sinisa Mihajlovic chuan he thil thleng hi na takin a sawisel hial.

Kum 45 mi Rizzoli chuan, "Football-ah thutlukna dik tak siam a nih theih nan VAR hman a ni a, chutihrualin thil engkim hi dik taka tih vek theih a nih lohna chen a awm. Player, coach, director leh fan-te hian he thil thar hi dawhthei taka an thlir phawt mai a ngai a ni," tiin a sawi.