Zaninah tri series tawpna
India chuan zanin dar 8:00 hian Hero Tri-Nation Series-ah St. Kitts & Nevis an hmachhawn dawn a, ram pahnih inkhel tur hi tun series-a match hnuhnung ber tur a ni dawn - Star Sports 1 leh Star Sports 1 HD ten live-in an pe chhuak ang.
St. Kitts & Nevis hian Thawhlehni zan khan an match hmasa ber an khel a, Mauritius nen goal khat ve ve khungin an inhnehtawk. India hian an match hmasa berah Mauritius hi 2-1 in an lo hneh tawh bawk a, he inkhelah hian Robin Singh leh Balwant Singh ten India tan goal an khung.
Mauritius lakah Mizo tlangval Jeje Lalpekhlua chu tlarhmaah India innghahna a ni a, Jerry Lalrinzuala'n inkhel bul ṭan pha lo mah se minute 85-naah tlan luhtir a ni bawk. India coach Stephen Constantine-a'n zaninah Mauritius laka inlan lote hun ṭha a pek a rinawm a, Hmunhmelṭha tlangval Lalruatthara kan hmu a nih pawhin a mak lo ang.