Ronaldo a lungawi thei lo

Real Madrid forward Cristiano Ronaldo chuan Spain rama sports lam thu­buai ngaihtuahtu court-in match nga chhung inkhel thei lo tura hrem a nihna kaltlangpui tura thutlukna an siam chu thil hriatthiam theih loh a nih thu a sawi.

Kum 32 mi forward hian Spanish Super Cup-ah red card a chawi hnua referee a nam avangin hremna pek a ni a, hnawh­chhuah a nih avanga match khat hrem a nih bakah referee chunga kut a thawh avang hian match li dang khel thei lo tura hrem a ni.

Ronaldo chuan hrem a nihna hi hrethiam loin court lamah a zualko a, mah se court chuan Spa­nish FA thutlukna hi kaltlangpui turin a lo ti a ni. Ronaldo chuan, "Rorelna dik lo aṭangin a ngaiah bawk, mah se engtikahmah min hneh lo ang," tiin thutlukna puan a nih hnu lawkah instagram lamah a tarlang.

Nou Camp-a Barca nen an inkhelh ṭumin Ronaldo hi kawr phelh leh tluk der avangin yellow card pahnih pek a ni a, hnawhchhuah a ni. Hnawhchhuah a nih hnuah a lungawi loin referee a nam zui bawk. Portugal forward hian hrem a nihnaa match hnih chu a patlang tawh a, match thum a la hmabak - Spanish football-ah chuan September 20-ah a lo kir thei chauh ang.