SAFF U15 India-in semifinal an lut

South Asian Football Federation Under 15 Championship khelh mekah nimin khan India chuan a thlengtu Nepal 2-1 in an hneh a, group match hnih an khelh tawhah hnehna an chan ve ve avangin semifinal an lut - India tan Vikram Partap Singh leh Ravi Bahadur Rana ten goal an khung.

Mizo pali telna India U16 hi Group B-ah Nepal leh Maldives-te nen an awm ho a, India hian an match hmasa berah Maldives chu 9-0 ngawta sawpin Mizo rawlthar Lalrokima chuan India tan goal a khung ve bawk.

SAFF U15-ah hian ram paruk Bangladesh, Bhutan, India, Nepal, Sri Lanka leh Maldives-te an inel a, group pahnihah team pathum ve ve awmin

ṭhen hran an ni. Group-a a hniam ber tih loh chuan semifinal an lut. Inelna hi U16 pual ni mah se 2018 AFC U16 Championship qualification inbuatsaih nan a tam zawkin U15 an tirh ṭhin avangin U15 hmingin inelna hi thlak a ni a, U16 tirh theih a ni thung.

Mizo goalkeeper Lalbiakhlua Jongte, defender Lalrokima, midfielder pahnih Lalchhanhima Sailo leh Eric Remruatpuia Chhangte te awmna India hian August 25-ah Bhutan chu semifinal-ah an hmachhawn leh dawn a ni.