ADBBA-in referee clinic buatsaih
Aizawl District Basketball Association (ADBBA) chuan Basketball Federation of India referee leh National Institute of Sports coach te hnuaiah August 22 zan aṭangin Hawla Indoor Stadium-ah referee clinic an buatsaih a, August 26-ah zawh a ni ang. District Association hnuaia affiliated club aṭangin mi 91 an kal a ni.
NIS coach pahnih, H Laldinsanga leh Samuel Lalthlamuana te hnuaiah International Basketball Federation (FIBA) rules and regulations zirna hun neih a ni a, tunkar tawp lamah hian BFI referee Subrata Roy Choudhury-in a rawn ho ang.
ADBBA president Vanlalruata Pachuau chuan, "Mizo ṭhalaite zingah basketball thlipui a tleh mek a, game hmuhnawm tak en tur chuan officiating ṭha a ngai a, hemi avang hian referee clinic hi kan buatsaih. Theihtawp in chhuah tur a ni a, a tawp in thleng tur a ni bawk," tiin referee clicnic chhimtute a fuih a, mamawh apiang ngaihtuahsak ṭhintu MBBA chungah lawmthu a sawi bawk.