AC Milan striker thar Kalinic

Tun nipui transfer bazara che na tak AC Milan an chet nat chhun­zawm zel. An elpui Fiorentina aṭangin striker Nikola Kalinic chu loan hmangin an lalut, loan hmanga lut ni mah se a loan hun a zawh hnuah a nghetin a zawm dawn a, kum li daih contract a ziak nghal.

Kum 29 mi Kalinic hi Blackburn Rovers tan season hnih a inlan tawh a, chumi hnuah Dnipro lam a pan. Ukrainian club aṭangin kum 2015 khan Fiorentina a pan leh a, Italian club tan hian season hnih chhungin match 84 a khelh aṭangin goal 33 a khung hman a, a goal khung zinga 27 chu Serie A bikah a ni.

Serie A club Milan hian player 11 zet an ziaklut thar ta a, heng zingah hian Italy defender Leonardo Bonucci leh Argentine midfielder Lucas Biglia te bakah Sunderland striker Fabio Borini te pawh an tel. Borini hi season khat chhung atan loan hmangin an hawh a, June thlaah a nghetin an lalut zui ang.