Saints defender thar Wesley Hoedt

Southampton chuan Italian Serie A club Lazio aṭangin Netherlands centre back Wesley Hoedt chu pound maktaduai 15 in an lalut a, St Mary's Stadium-ah kum nga cham turin contract an ziah pui.

Kum 23 mi Hoedt hian AZ Alkmaar aṭangin kum 2015 khan Lazio a zawm a, Serie A club tan hian inelna hrang hrangah match 61 khel hmanin kumin aṭangin Netherlands tana khel tura koh a nei tawh bawk.

Hoedt chuan, "Southampton hi club lian leh hmasawn an ni a, hma lam an pan zel theih nana tha thawhtu pawimawh ka nih theih ngei ka beisei. Premier League-a ka theihna fiah hlan ka nghakhlel tawh hle," tiin a sawi.

Saints vice-chairman Les Reed said Hoedt chuan, "Europe-a defender ṭhangduang leh beisei awm berte zinga mi," tiin an defender thar chungchang a sawi. Saints hian chhuah diltu an captain Virgil van Dijk chu tun thlengin an la chelh bawk.

Tun nipui transfer chhungin Southampton hian an player manto ber ni turin midfielder Mario Lemina (£18.1m) leh defender Jan Bednarek (£5m) te an lalut tawh a, Hoedt hi an player thar pathumna chiah a ni.

Saints hian player thar pathum nei mah se an captain hi chan thei dinhmunah an a ding mek. Kum 26 mi Van Dijk hian manager Mauricio Pellegrino hnenah chhuah a duh thu a sawi tawh a, he thu a sawi aṭang hian first team squad-ah telh a la ni leh lo, tunah hian Under 18 team zingah training an neihtir mek.