Badminton world championship an sawn

Tokyo Olympic 2020 chu nakkum atan sawn fel a ni tawh a, infiamna khawmpui lian an sawn hian Badminton World Championship neih tur chu a nghawng buai - badminton inelna nakkum August thla a neih tur chu November thla tawp atan sawn hlat a ni.

Badminton World Federation hnuaia inelna lian hi Spanish Badminton Association chuan a thleng dawn, tualchhung nula Carolina Marin hming chawia sak Carolina Marin Stadium, Huelva-ah inelna an nei ang.

World championship hi nikum khan neih a ni a, kumin hi Olympic neih kum a nih avangin BWF calendar-ah telh a ni lo. Amaherawhchu, Olympic chu hri leng vangin kuminah neih theih a ni lo, nakkun atan sawn mah se badminton inelna lian hi a hun ti danglamin neih a ni dawn ta tho.